As our state deals with the spread of covid-19 in the midst of a global outbreak, the Arkansas Democrat-Gazette will publish five things you need to know each week. We'll be publishing these roundups in English, Spanish and Marshallese. You can read our full coverage at arkansasonline.com/coronavirus/. Coronavirus coverage pertaining to crucial public health information will be available for all readers.
Erkein ej men ko raurōk ilo wiik kwoj aikuj in jeļã kōn coronavirus ilo Arkansas in.
• Arkansas ear rekoote 335,529 case in covid-19 ko me relukkuun in alikkar ke rej covid im ko remaroñ jen jinoin an kar waļok in nañinmej in eļap, ekkar ñan meļeļe ko raar letoki ilo Eprōļ 30 raan eo. Eṃōj an rijerbal ro an jikin ājmour eo an State ripoote im kwaļok bwe tarin 5,735 raan jako jen nañinmij in covid-19 im 327,777 raar mour jen nañinmej in. Rijerbal ro raar bareinwōt ripoot bwe eṃōj an Arkansas leļǫk 1,694,919 wā ko wāān covid-19.
• Ilo an dikļok an wōnmaanļok wot elleļok uno in wā ikkijen covid 19, state Epidemiologist Dr. Jennifer Dilliah ear ba ilo Eprōļ 28 raan eo ke Arkansas enaj dikļok an order uno in covid jen federal government week in laļ.
• Gov. Asa Hutchinson ear ba ilo Eprōļ 27 raan eo ke imōn jerbal ko rej aikuj katakin rijerbal ro ikkijen aurōkin bwe jen bōk wā in covid im leļok iien aer off ñan aer maroñ bōke. Ear bareinwōt ba ke imōn jerbal ko rej aikuj kōmmane jet wāwein ko im remaroñ kōmman bwe en wor clinic ilowaan imōn jerbal ko, ak kōtļok bwe rijerbal ro ren jab jerbal ñan aer maroñ etal ñan pharmacy ko ñan aer bōk wā ko aer. Hutchinson ear bareinwōt rōjañ imōn jikuuļ ko bwe ren jipañ ilo kōmmane juōn wāwein eo bwe ro 16 aer iiō lōñļok ren bōk wā ko aer bareinwōt.
• Kij ko jet im rej einwot kij in covid-19 ej lon wot im Arkansas in wot, im juon iaer rej jen United Kingdom im elap aer lomnak kake bwe elap lon an kabobo im nana lok jen kij in covid-19 eo, State Health Secretary eo Dr. Jose Romero ear ba ilo raan in Eprōl eo.
• Wā eo nae etan Johnson & Johnson im juon wōt kōttan bōke emōj an bar alikar ke emman ñan bōke ilo Arkansas in, meļeļe kein raar waļok ilo Eprōļ 26 raan eo, 13 raan elkin an kar bōjrak kōjerbale wā in itok wot an jet armej kar bōke im jelet iaļan bōtōktōk. Romero ear bareinwōt kwalok im ba ilo wiik in bwe wā in covid-19 erik an kauwōtata ñe kwoj bōke.
Translation: Marshallese Educational Initiative staff
ENGLISH: arkansasonline.com/news/2021/apr/30/friday-april-30-five-things-know-about-covid-19-ar/
SPANISH: arkansasonline.com/news/2021/apr/30/viernes-30-de-abril-cinco-hechos-importantes-sobre/